Elona Kalesha, e cila u arrestua më 22 dhjetor me urdhër të prokurores Ornella Galeotti me akuzat e vrasjes, fshehjes dhe poshtërimit të një kufome, mbetet në burg.
Për gjykatësin hetues të Firences, Angelo Antonio Pezzuti, shqiptarja 36-vjeçare vrau dhe masakroi 54-vjeçarin Shpëtim dhe 52-vjeçaren Teuta Pasho , prindërit e ish-të fejuarit që u zhdukën në vitin 2015, eshtrat e të cilëve ndodheshin në katër valixhet i gjetur midis 10 dhe 15 dhjetorit në një fushë ngjitur me burgun Sollicciano, në periferi të Firences.
Prokuroria dyshon se edhe dy persona të tjerë vepruan bashkë me 36- vjeçaren për të vrarë Shpëtim dhe Teuta Pashon dhe për t’i fshehur ata.
Sipas gjykatës në vendin fqinj, Elona Kalesha, do të ishte e rrezikshme mnëse do të dilt e nga burgu, ka bashkëpunëtorë dhe është pjesë e një grupi kriminal.
“Elona Kalesha është e rrezikshme, ekziston mundësia që të kryejë të njëjta krime të ngjashme, si ai për të cilin ne po e procedojmë”, argumentoi gjyqtari Pezzuti në vendimin e tij, duke shtuar se 36-vjeçarja duket se është futur përgjithmonë në një qark kriminal.
“Ka marrëdhënie të ngushta me njerëz me një kalibër të rëndësishëm kriminal dhe me sa duket e ka përdorur punën e bashkëpunëtorëve. Për këtë arsye, mund të konsiderohet se, për sa i përket sigurisë ose probabilitetit të lartë, Elona Kalesha, nëse nuk është e kufizuar në lirinë e saj, do të kthehet për të kryer një krim nëse ekziston mundësia”, thuhet në vendimin e Gjykatës.
Ndër pikat mbi të cilat gjykatësi hetues do të pajtohej me akuzën, janë dëshmitë pronarëve të ndërtesës në lagjen ‘San Jacopino’, ku mendohet se çifti mund të jetë vrarë në fillim të nëntorit 2015.
Sipas dëshmive, qiramarrësit folën për një aromë të që vinte nga shtëpia dhe se kishin parë duke u larguar me disa valixhe një grua, që dyshohet se ka qenë pikërisht Elona Kalesha. Ditën e djeshme policia gjeti gjurmë të tjera në vendngjarje të cilat janë çuar në laborator për ekzaminim.