Dy persona janë vrarë dhe një i tretë ka mbetur i plagosur në zonën e ‘Ujit të Ftohtë’. Viktimat janë Aurest Rexho dhe Arjan Hasani. Ndërsa i plagosur ka mbetur Armando Sulejmani, 42-vjeç, i cili ndodhet në spitalin e Vlorës.
Bëhet fjalë për një atentat ndaj Armando Sulejmanit, të njohur në Vlorë me pseudonimin ‘Çipuri’. Armando Sulejmani i njohur me nofkën “Çipuri” dhe anëtar i bandës së Gaxhait, i është bërë edhe më herët atentat në vitin 2016, teksa hynte në banesën e tij në lagjen Pavarësia”, ku i shpëtoi 11 plumbave, duke e kapur vetëm njëri prej tyre.
Asokohe kur iu bë atentati, Sulejmani sapo kishte dalë nga burgu. Ai ka qenë i dyshuar për atentatin ndaj Ferdinand Llanajt. Në vitin 2002, Sulejmani u dënua me 20 vite burg për akuzën e vrasjes.
Atentati i sotëm te “Uji i Ftohtë” mendohet të ketë si motiv hakmarrjen, vazhdim i sagës së Llanajve. Dyshohet se njëri nga viktimat të ketë qenë kunati dhe tjetri shoku i ngushtë i 42-vjeçarit. Sipas të dhënave nga grupi i hetimit, shënjestra e atentatit ka qenë Sulejmani.
Në janar të këtij viti, në një tjetër atentat në Vlorë mbeti i plagosur Mikel Mehmeti nga Selenica e Vlorës, njohur si anëtar i bandës së Llanajve. Llanajt njihen për masakrën e Çolës, ku pas një sherri në kazino në prill të vitit 2015, u vranë 3 të rinj. Një nga autorët e masakrës është Aleksandër Llanaj, që po vuan dënimin në burg.
U ekzekutuan me breshëri plumbash, policia sqaron ngjarjen e Vlorës
