26-vjeçari Jurgen Kurti u ekzekutua me breshëri plumbash në hyrje të banesës së tij. Kurti nuk ishte personazh i panjohur, e ndërsa tërhiqte vazhdimisht vëmendjen e shtypit rozë, pasi njihej ndryshe edhe si ‘menaxheri i VIP-ave’.
Pak kohë më parë ai është përfolur se ishte në një lidhje me ish-banoren e ‘Big Brother’, Xhensila Pere. Kujtojmë faktin se të dy e mohuan një lajm të tillë, duke u shprehur se ishin vetëm miq.
I ndjeri kishte disa vite i fejuar me një modele nga Durrësi, Enxhi Ekonomi. Shpesh ai publikonte foto dhe dedikime për të fejuarën e tij. Ndërkaq, komentohej shpesh edhe për jetën e luksit. Ai kishte në pronësi të paktën 10 biznese të ndryshme, nga servis makinash tek kompani për menaxhime dhe organizime eventesh.
