Gazetari Trashgim Sokolaj, i ftuar në edicionin e lajmeve në “RTV Ora”, ka dhënë detaje të reja në lidhje me vrasjen e 2-fishtë në Lezhë. Ai tha se zona ku ka ndodhur vrasja, ishte një zonë e kuqe për kultivimin e bimëve narkotike. Sipas tij, personi i dyshuar për ngjarjen, është person me precedent penal, për trafik narkotikësh dhe për tentativë vrasje, pasi ka qëlluar një banor të zonës.
Duke analizuar ngjarjen, ai shtoi më tej se në rrethana ende të paqarta, personi në fjalë është gjendur i lirë pas më pak se 6 muajsh, duke u marrë jetën dy personave. Autori i ngjarjes shfrytëzonte këto toka në këto zona, për t’i mbjellë me kanabis dhe i trafikonte. Dy viktimat janë konfliktuar me këtë person, dhe ai i ka qëlluar. Njëri prej viktimave ka 9 plumba në trup.
“Nga mbrëmja e djeshme, kam pasur informacione nga policia, se zona ku ka ndodhur vrasja ishte një zonë e kuqe për kultivimin e bimëve narkotike. Ishte një fshat i thellë malor, ku numri i banorëve ishte i reduktuar. Aleksadër Përdodaj, personi i dyshuar për ngjarjen, është person me precedent penal, për trafik narkotikësh dhe për tentativë vrasje, pasi ka qëlluar një banor të zonës. Në rrethana të paqartë, ai u gjend i lirë pas më pak se 6 muajsh dhe vret 2 persona. Ky person me precedentë në zonë, nuk e ka pranuar krimin.
Ai shfrytëzonte këto toka në këto zona, për t’i mbjellë me kanabis dhe i trafikonte. Duke qenë se dy viktimat kishin toka në fshat dhe kanë mësuar nga banorët e zonës që toka e tyre po shfrytëzohet për kanabis, dhe janë nisur me motor. Atje janë konfliktuar me këtë person dhe ai i ka qëlluar. Njëri prej viktimave ka 9 plumba në trup. Në vendin e ngjarjes nuk janë gjetur as arma e krimit, as gëzhojat. Mendohet se është ndihmuar nga i vëllai dhe është arratisur nga vendi i ngjarjes. Ndërkohë që është kapur nga policia pas disa orësh. Ndërsa i vëllai është shpallur në kërkim.
Policia në këto zona, disa herë ka gjetur parcela, të cilat dyshohet që ishin kultivuar nga ky individ. Por duke qenë se ishin toka pa pronar, nuk ka mundur t’i dokumentojë”.
