Seanca gjyqësore ndaj Ritvan Zykës, i cili vrau me armë zjarri 8 persona në Selenicë të Vlorës është shtyrë me datë 7 maj.
Shkak për shtyrjen e seancës është bërë avokati i mëparshëm, i cili nuk paraqitej në seancat gjyqësore ndaj të pandehurit e, për rrjedhojë Zykaj do të mbrohet nga një tjetër avokat.
Kujtojmë se ngjarja e rëndë ndodhi në 10 gusht të vitit 2018, ku Ritvan Zyka, me kallashnikov u mori jetën 8 anëtarëve të fisit të tij me të njëjtin mbiemër.
Ai vrau vëllain e gjyshit, bashkëshorten e tij, dy djemtë e çiftit dhe nipin e mbesën 14 dhe 6 vjeçe, ndërsa pasi kreu vrasjet u largua nga vendngjarja, por u kap nga Policia e Vlorës me ndihmën e Forcave të Ndërhyrjes së Shpejtë dhe RENEA-s.
