Tashmë është zyrtare se reperi MC Kresha do t’i japë fund beqarisë këtë të diel. Duket se zërat që qarkullonin së fundmi për reperin, kanë qënë të vërteta.
Ai do të martohet me Erzina Shehun, zbulon ‘Prive.al’ dhe gjithçka është menduar në një ceremoni tejet private, me rreth të ngushtë të të ftuarve.
Të ftuarve u është kërkuar paraprakisht që të rezervohen tërësisht në publikimin e detajeve, apo fotografive nga festa.
Reperi pranoi publikisht se ishte i dashuruar, kur ishte i ftuar me mikun e tij Lyrical Son në “Klanifornia”. Kresha në shtator festoi 35-vjetorin. Reperi shtatlartë është shprehur se pasionet e tij janë muzika dhe futbolli.
MC Kresha ka dhjetëra e dhjetëra hite, por përveç këngës “Era”, ka rrëmbyer zemrën e publikut me bashkëpunimin me Fifin në “Kënga Magjike 2018” me këngën “Psikopatja jote” dhe klipin e fundit me Art Abazin, me titull “Enigmë”.
