Në fjalimin e tij të parë si Kryeministër, Boris Johnson ka cekur një nga çështjet kyçe të kësaj qeverie, ku bëhet fjalë për finalizimin e procesit të Brexit, meqë Britania pritet të largohet nga BE-ja më 31 tetor të këtij viti.
Johnson tha përpara Dhomës së Komunave se dëshironte ta bënte Mbretërinë e Bashkuar “vendin më të mirë për të jetuar në Tokë”.
Po ashtu, ai shpreson që Brukseli të rishikojë qëndrimin e tij dhe të pranojë ndryshimet në marrëveshje, në rast të kundër, kryeministri britanik shprehet se Mbretëria e Bashkuar do të largohet nga BE-ja edhe pa një marrëveshje.
“Qëllimi, është të arrijmë një marrëveshje “alternative” divorci me Brukselin, por në rastin e dyerve të mbyllura, opsioni mbetet të largohemi nga BE pa marrëveshje”, deklaroi Johnson.
