Transferimi i Cristiano Ronaldos drejt Juventusit është tema kryesore e ditës, pasi edhe agjenti i portugezit, Jorge Mendes ndodheshe sot në Madrid. Mendohet se mes dy klubeve tashmë është arritur marrëveshja dhe se gjithçka po ecën sipas programit. Është gazetari italian Gabriele Markoti i cili sjell të rejat më të fundit dhe nxjerr disa detaje të tjera.
“Kisha dyshime në fillim, por kam mësuar se është arritur një marrëveshje mes të gjitha palëve. Ata kanë rënë dakord edhe me mënyrën se si do të jepet lajmi. Zhvillime të reja pritet të vijnë në 24-48 orët e ardhshme. Duket se Ronaldo është drejt rrugës për në Torino”. – u shpreh gazetari italian.
Kujtojmë që mediat ndërkombëtare kanë shkruar se Ronaldo do të jetë transferimi më i shtrenjtë i klubit të Juventusit pasi për portugezin do paguhen 100-120 mln euro. Ndërkohë vetë futbollisti do përfitojë 120 mln euro për një kontratë 4-vjeçare.
