Marku i kthehet ashpër Ramës: Injorant! Ja sa mandate merr PD në Lezhë

Drejtuesi politik i Partisë Demokratike në Lezhë dhe kandidati për deputet, Mark Marku i është përgjigjur ironive të kryeministrit Edi Rama.

I ftuar në emisionin Frontline, Marku tha se të përdorësh termin reaksionar, siç e ka quajtur Rama, do të thotë të jesh ose injorant, ose i çmendur, ose enverist.

Ndër të tjera, Marku u shpreh se Partia Demokratike nuk e diskuton mandartin e katërt në Lezhë.

Mark Marku: “Ne mendojmë mandatin e katërt padiskutim në Lezhë, madje edhe të pestin. Unë nuk dua të flas për kundërshtarët e mi në Lezhë, por Lindita Nikolla ka dështuar si ministre Arsimi dhe u largua me protestat e studentëve. Ishte një dështim total i arsimit. Qeveria e saj ka dështuar në të gjitha objektivat që ka paraqitur para 8 vitesh. Nuk ofron më asnjë alternativë, vetëm zgjatjen e kësaj situate dramatike në vend. Mua ma thonë njerëzit se “nëse fiton PS, do të ikim nga Shqipëria”. Unë ju kam thënë që kjo nuk zgjidhje, pasi duhet të iki qeveria që qeveris keq. Jam i bindur që PD është parti e parë dhe koalicioni është fitues”.