Pedagogu Mark Marku ka sqaruar sot në Komisionin e Medias akuzat e artikuluara pak ditë më parë. Marku deklaroi se u qëndron ende këtyre akuzave, ndërsa shtoi se policët kanë ardhur jo një, por dy herë për të bërë presion te Filologjiku.
“Ishte një shkelje flagrante e ligjit. Një ditë para se të ndodhte kjo, ishte këtu në komision ministri Lleshaj. Kishte ardhur për dëgjesë dhe për tu justifikuar, ndërsa të nesërmen na sillte policinë neve aty për t’i bërë karshillëk opinionit publik. Pra, tregojnë që nuk pyesin fare për ligjin. Ky është mesazhi më i keq që mund ti jepet studentëve. Është hera e parë për mua që bëhem dëshmitar, jo vetëm unë por janë gati edhe kolegët e mi të vijnë, të dëshmojmë të gjithë për shkeljen e ligjit”,-tha ai.
