Aktorja e madhe, Margarita Xhepa feston sot ditëlindjen, teksa mbush 87 vjeçe. Së fundmi, ajo ka pasur disa probleme shëndetësore, ndërsa i është nënshtruar edhe një ndërhyrjeje në këmbë, realizuar me sukses.
Presidenti Ilir Meta e ka vizituar aktoren Xhepa në spital, ku i ka dërguar një buqetë me lule, duke i uruar ditëlindjen por edhe shërim të shpejtë.
Meta ka postuar disa foto në Facebook, ku shkruan:
“Shumë pranvera të tjera të lumtura për yllin e kinematografisë shqiptare, të papërsëritshmen, Margarita Xhepa.
I uroj shërim të shpejtë, besimplotë se do ta shohim sërish në skenë me të tjera role, që do t’i shtojnë freskinë buqetës së saj të jashtëzakonshme artistike.”
