Maqedonia mund të rikthejë masat anti-Covid në kufi, për shkak të llojit Delta. Duke marrë shkas nga varianti Delta, pritet që Maqedonia e Veriut të rikthejë një pjesë të masave kufizuese në kufi.
Ekspertët e sëmundjeve infektive pritet që deri në fund të javës të mblidhen, dhe të vendosin në lidhje me masat e reja kufizuese në kufi për hyrje në vend, nëse do të kërkohet test PCR, vërtetim për vaksinim ose për kalim të COVID-19.
Nëse vendosen masat, të njëjtat do të vlejnë edhe për shtetasit e RMV-së të cilët kthehen në vend nga shtetet e tjera. “Nëse kjo vendoset pasi ka vlerë epidemiologjike, do të vlejë për të gjithë”, ka thënë Ministri i Shëndetësisë, Venko Filipçe.
Mediat njoftojnë se deri më tani ka shkuar në 10 numri i rasteve të konfirmuara me variantin Delta në vendin fqinj.
