Një lajm i mirë vjen nga Maqedonia e Veriut, e cila ka regjistruar një rënie drastike të rasteve të reja me koronavirus.
Gjatë 24 orëve të fundit, vendi fqinj ka regjistruar 74 raste të reja, 89 më pak se një ditë më parë. Një rënie është shënuar edhe në numrin e viktimave, teksa në 24 orët e fundit janë shënuar 3 të vdekur.
Një numër kaq i vogël të infektuarish ishte regjistruar për herë të fundit më 6 korrik, ku u shënuan vetëm 78 të infektuar. Megjithatë edhe numri i testeve është i vogël në 24 orët e fundit, respektivisht 689.
Maqedonia e Veriut ka regjistruar gjithsej deri më tani 11,128 raste pozitive me koronavirus dhe 500 viktima. Aktualisht në vendin fqinj ndodhen 3,656 raste aktive me COVID-19.
