Maqedonia e Veriut ka publikuar pagat e kabinetit qeveritar. Pagën më të lartë e merr kryeministri Zoran Zaev, respektivisht 78.840 denarë, ndërsa i shtohet dhe vjetërsia 22-vjeçare, ku paga e tij kap vlerën e 87.813 denarëve ose 1.439 euro.
Në vendin e dytë me rrogën më të lartë, është ministri i Brendshëm, Oliver Spasovski i cili merr pagë prej 85.113 denarëve, ose rreth 1200 euro, pastaj renditet ministrja për Punë dhe Politikë Sociale, Jagoda Shahpaska e cila merr 74.273 denarë, 1200 euro.
Ministrja e Mbrojtjes, Radmilla Sheqerinska merr 72,989 denarë pagë mujore ose 1200 euro, kurse ministrja e Kulturës, Irena Stefoska merr 72.670 denarë.
Më pas, vijon zëvendësministri për Çështje Evropiane, Nikolla Dimitrov dhe ai për Çështje Ekonomike, Fatmi Bytyqi, të cilët marrin nga 71.385 denarë. Zëvendëskryeministri i parë, Artan Grubi dhe ministri i Punëve të Jashtme Bujar Osmani, marrin nga 70.102 denarë që bëjnë 1145 euro.
Krahasuar me Shqipërinë, paga në vendin fqinj janë më të ulëta, pasi në vend, kryeministri e ka rrogën rreth 1700 euro dhe ministrat më shumë se 1500 euro në muaj.
