Maqedonia e Veriut e mbyll muajin qershor me një shifër rekord të rasteve të regjistruara me koronavirus.
Sipas Worldometers, vetëm për muajin e fundit vendi fqinj ka regjistruar më shumë se 4 mijë raste të reja me koronavirus. Kjo shifër është pothuajse dyfishi i rasteve që vendi ka regjistruar në muajt mars, prill dhe maj.
Gjatë 24 orëve të fundit, në Maqedoninë e Veriut janë shënuar 120 raste të reja, duke e çuar në 6,334 numrin total të rasteve të konfirmuara.
Rastet e reja janë regjistruar në: Shkup-64, Kumanovë-4, Dibër-4, Shtip-2, Prilep-2, Tertovë-14, Strugë-5, Manastir-3, Ohër-7, Gostivar-2, Makedonski Brod-1, Sveti Nikollë-2, Kërçovë-5 dhe Resnjë-5.
Më shumë se 3,500 raste janë ende aktive në Maqedoninë e Veriut.
