Maqedonia e Veriut ka regjistruar të hënën 15 viktima, 1,039 persona të infektuar dhe 998 të shëruar me Covid-19.
Të dhënat e publikuara nga Instituti i Shëndetit Publik i referohen testimit të 3,143 mostrave në 24 orët e fundit.
Sa u përket viktimave, Shkupi për herë të parë ka regjistruar vetëm një të vdekur.
Numri më i madh i viktimave është regjistruar në Prilep, gjithsej gjashtë viktima ndërsa nga një janë regjistruar në tetë qytete tjera.
Numri i përgjithshëm i të vdekurve me COVID-19 në Maqedoninë e Veriut ka arritur në 1,561.
Nga 56,164 persona të diagnostikuar me COVID-19, 33,892 janë shëruar ndërsa 20,711 raste ende janë aktive.
Ministria e Shëndetësisë ka bërë të ditur se në Klinikën Infektive në Shkup, në repartet tjera të Qendrës Universitare si dhe në spitalet e qyteteve tjera janë të hospitalizuar 1,290 persona, shumica prej të cilëve janë në oksigjenoterapi.
