LSDM ka porositur edhe njëherë VMRO-DPMNE-në që në mënyrë të qetë të dorëzojë pushtetin dhe të bëhet opozitë konstruktive. Në kumtesë për mediat nga partia e Zaevit thonë se edhe presidenti Gjorge Ivanov është i njoftuar për shumicën parlamentare dhe nuk guxon të shkelë kushtetutën.
“Po realizohet vullneti qytetar, do të formohet Qeveria e re, VMRO –DOMNE të distancohet nga provokimet e Gruevskit. Në periudhën që vijon është e rëndësisë së posaçme të mundësohet transferim i qetë i pushtetit dhe formimi i Qeverisë së re reformatore. Ky është interesi kryesor i qytetarëve dhe shtetit. Kjo është e nevojshme si për perspektivën euroatlantike të shtetit ashtu edhe qytetarët, pa dallim të përkatësisë së tyre politike etnike çfarëdo përkatësie tjetër”, shkruan LSDM në komunikatën e saj.
Socialdemoktatët thonë se “udhëheqësit e VMRO-DPMNE-së me në krye Nikola Gruevskin janë politikan të tejkaluar dhe të konsumuar të cilët kujdesen vetëm për interesat e tyre kriminele. Nga partia e Zaevit nënvizojnë se nuk është rrezikuar unitariteti i shtetit dhe se Qytetarët e dinë, e lexojnë Programin e qeverisë së re reformatore.
