Një tjetër person ka humbur jetën nga koronavirusi ditën e sotme në Maqedoninë e Veriut.
Kështu shkon në 56 numri i personave që kanë ndërruar jetë, si pasojë e virusit vdekjeprurës.
Ndërkohë mediat vendase flasin për një ulje të vazhdueshme të rasteve të reja. Në 24 orët e fundit, në Maqedoninë e Veriut janë kryer 660 teste nga të cilat kanë rezultuar pozitive 28 mostra.
Mësohet se 11 raste janë regjistruar në Shkup, 9 në Prilep ndërsa në Kumanovë dhe Tetovë nga 2, në Veles 3 dhe në Vallandovë 1. Deri më tani, në Maqedoninë e Veriut janë shënuar 1,269 raste infektimi në total.
Sipas Ministrisë së Shëndetësisë, në 24 orët e fundit janë shëruar 48 pacientë, duke e cuar numrin e përgjithshëm në 272.
