Numri i viktimave nga koronavirusi në Maqedoninë e Veriut është rritur, duke shkuar në 29.
Sipas mediave vendase, në 24 orët e fundit në Maqedoni kanë ndërruar jetë 3 persona nga COVID-19.
Ministria e Shëndetësisë bën me dije se viktimat janë një 73-vjeçar nga Kumanova, dhe një 44-vjeçar i cili është gjetur i vdekur në banesën e tij.
Mësohet se personi i gjetur i pajetë në banesë ka qenë nga Shqipëria. Ndërsa viktima e tretë ka qenë një burrë 45 vjeç nga Shkupi i cili ka ndërruar jetë të martën në mbrëmje rrugës për në spital.
Në 24 orët e fundit janë regjistruar 18 raste të reja me koronavirus, duke e çuar në 617 numrin total të rasteve.
