Koronavirusi ka shënuar një tjetër viktimë në Maqedoninë e Veriut, në 24 orët e fundit.
Kështu shkon në 86 numri total i personave që kanë humbur jetën nga COVID-19 në vendin fqinj. Mediat vendase bëjnë me dije se vatrat më aktive vijojnë të mbeten Shkupi me Velesin.
Ndërkohë, vetëm gjatë orëve të fundit në Maqedoninë e Veriut janë shëruar gjithsej 21 persona nga koronavirusi. Ndërsa janë shënuar 8 raste të reja infektimi.
Që nga shpërthimi i pandemisë, Maqedonia ka regjistruar 1,526 raste infektimi ndërsa 1,013 persona janë shëruar. Vetëm 427 raste janë ende aktive në vend, teksa 21 prej tyre ndodhen në gjendje të rëndë shëndetësore.
