Një ngjarje e pazakontë është regjistruar në Maqedoninë e Veriut, teksa familjarët kanë rrëmbyer një të vdekur nga spitali.
Bëhet me dije se viktima ishte pranuar në qendrën spitalore në gjendje të rëndë, me temperaturë të lartë, presion të lartë të gjakut dhe ethe.
Drejtori i spitalit në qytetin e Strumicës, Naçe Gogov, ka thënë për mediat se ngjarja ka ndodhur të hënën, herët në mëngjes. Sipas tij, një grup prej 20 personash kanë arritur të futen në spital, prej nga e kanë nxjerr me gjithë krevat viktimën, 49 vjeç.
“Stafi i spitalit nuk mundi të bënte asgjë pasi ishte një turmë e madhe. Drejtuesit e spitalit iu shmangën incidentit ndërsa rastin e paraqitën në polici”, tha ai.
Pacienti nuk ishte testuar ende për koronavirus, por duke u bazuar në simptomat dhe gjendjen e rëndë shëndetësore mjekët thanë se kishte shumë mundësi që ai të ishte i infektuar.
