Ish ministri i LSI, Ylli Manjani, është ndalur tek modeli qeverisës së Ramës, ku përpos elozheve, ai nuk nguron ti fus thikën pas shpine. Duke e cilësuar si një njeri të sukseshëm, Manjani vë në dukje se kryeministri ka imponuar një model politik sundimi, ku prodhon të këqija të pariparueshme. Sipas tij, modeli politik i Ramës, që e pagëzoi me emrin Rilindje, bazohet në përceptimin se politika (e të tjerëve) është e kalbur, e korruptuar dhe që nuk punon për njerëzit. Përmes kësaj analize, Manjani është i mendimit se ky model prodhon më shumë korrupsion, dhe gjithnjë e më shumë politikë të keqe.
Duke qëndruar në të njëjtën linjë, ai nuk harron dhe propagandën që bëhet. Ai ndalet tek perceptimi i qytetarëve, të cilët janë të mendimit se të huajt do ta na zgjidhin hallet tona. Por kjo përkthehet ndryshe si një naivitet i madh. Manjani shton se Rilindja si model sundimi ka vrarë demokracinë, konkurrencën, tregun e lirë, nismën private. Ka zhdukur idenë e shtetit dhe e ka zëvendësuar me pushtetin e saj. Dhe në fund, ai përcjell një mesazh të qartë, duke këshilluar që të goditet modeli politik i Ramës dhe jo vetë ai!
