Marrë shkas nga situata e trazuar politike, dhe nga faktet që flasin për një arrestim të mundshëm të Bashës, pas akuzave të rënda për lobimin rus dhe pastrimin e parave, një reagim është përcjellë nga ish-ministri Ylli Manjani.
Sipas Manjanit, Rama po e kërcënon me arrestime opozitën, por shumë shpejt do të vijë edhe radha e tij. Madje, shton më tej Manjani, do vijë dita kur kryeministri Rama nuk do ketë kë të shesë për të shpëtuar veten.
Statusi
“Me arrestimet e akuzat politike që Edi Rama po ju bën kundërshtarëve politikë, nuk po dëmton kundërshtarët.
Aspak! Përkundrazi po ju rrit frikshmërisht vlerën…
Çështja është se po vendos precedentin më të keq të mundshëm. Hakmarrjen politike reciproke.
Nesër do tja bëjn Atij këto gjera… Dhe është absolutisht shtetasi më i ekspozuar ndaj çdo hetimi e gjykimi.
Shumë shpejt po vjen dita që s’do ketë kë të shesë më për të shpëtuar veten…
Personalisht nuk kam qenë e as jam me hetime e gjykime politike të asnjë lloji. Por shumicat janë gjithmonë të forta.
Ndaj mjerë ai që lë precedentin e keq!”, përfundon ai.
