Mario Mandzukiç është zyrtarisht futbollist i Milanit. Mëngjesin e sotëm sulmuesi kroat firmosi kontratën 6 mujore nga e cila do të përfitojë 1.8 milion euro dhe nëse Milani kualifikohet në Champions League sezonin e ardhshëm do të rinovohet edhe me një vit tjetër.
Ish-bomberi i Juventusit do të mbajë veshur fanellën me numër 9 dhe shikohet si zëvendësuesi ideal i Zlatan Ibrahimoviç në qëndër të sulmit.
Mandzukiç di të përshtatet edhe si sulmues krahu dhe nuk do të ishte aspak çudi që të luante njëkohësisht me suedezin.
Kroati, që prej fundit të sezonit të shkuar ishte pa skuadër dhe do t’i duhet ende punë për të arritur formën optimale.
Megjithatë, 34-vjeçari pritet të grumbullohet për derbin e Milanos në Kupë ndaj Interit, mesjavën e ardhshme.
