Kuvendi i ka kërkuar Komisionit Qendror të Zgjedhjeve zëvendësimin e mandatit të Ilir Metës.
Ky i fundit e dorëzoi mandatin para betimit si president, ndërsa sipas listës shumëemërore, mandati i takon Ylli Manjanit.
Por, ish-ministri i Drejtësisë ka refuzuar të marrë mandatin e Ilir Metës, pasi ky i fundit mori postin e Presidentit.
Manjani e ka refuzuar postin, duke e cilësuar atë një formalitet.
“Nuk mendoj të bëj politikë në një parlament të vdekur”, mësohet të ketë thënë Manjani.
Me refuzimin e Ylli Manjanit, mandati i kalon Ardit Celës, i cili ndodhet i pesti në listën e LSI-së në Tiranë.
