Nga qyteti i Elbasanit, kreu i grupit parlamentar të PS, Taulant Balla, ka dhënë një koment referuar djegies së mandateve nga deputetët e opozitës. Ai është shprehur se asnjë parti politike në Shqipëri nuk ka të drejtë të dëmtojë perspektivën europiane të Shqipërisë. Duke qëndruar në të njëjtën linjë, djegia e tyre do të thotë injorimi i këtij vullneti.
“Debati politik duhet të ndodhë brenda institucioneve shtetërore, pikë së pari brenda Parlamentit. Asnjë parti politike në Shqipëri nuk ka të drejtë të dëmtojë perspektivën europiane të Shqipërisë. Mandatet e deputeteve përfaqësojnë vullnetin e popullit.
Djegia e tyre do të thotë injorimi i këtij vullneti. Bojkoti i radhës i PD dhe LSI i maskuar si djegie mandatesh, është përpjekja e radhës për të bllokuar SPAK dhe BKH. Të enjten ne votojmë në seancë plenare strukturat e KLGJ dhe KLP. Ja pse PD dhe LSI po agravohen dhe po sulmojnë institucionet”, është shprehur Balla.
