Wolverhampton ka mposhtur 2-1 Manchester United në çerekfinalen e FA Cup. Me këtë rezultat, Wolves kalojnë në gjysmëfinalen e kompeticionit, ndërsa Djajtë janë eliminuar.
Ishte një sfidë e luftuar teksa vendasit janë duke kaluar një formë të mirë edhe në kampionat.
Pas një pjese të parë pa gola, ishte Raul Jimenez, zbulimi i këtij sezoni në Premier League, ai që zhbllokoi rezultatin në minutën e 70’.
Vetëm gjashtë minuta më pas, partneri i tij në sulm Diego Jota dyfishoi rezultatin duke vulosur fitoren e madhe të “Ujqërve”. Rashford u mundua të rikthente të tijtë në lojë, por goli i tij në minutën e 5-të shtesë ishte tepër vonë.
Te të besuarit e Ole Gunnar Solskjaer janë dukur të lodhur dhe pa shumë kreativitet në sulm ndaj një mbrojtjeje të organizuar si ajo e Wolves.
Një rezultat zhgënjyes, por United nuk ka kohë të mërzitet pasi luan në Champions League dhe lufton për një vend mes katër më të mirëve në kampionat.
