Manchester United ka zhvilluar një ndeshje të madhe përballë Watford, duke i shkaktuar humbjen e parë ekipit vendas, por duke sjellë edhe pak qetësi tek “Djajtë e Kuq”. Kjo është fitorja e dytë radhazi për skuadrën e drejtuar nga Jose Mourinho dhe tashmë janë në kuotën e 9 pikëve.
United e nisi mjaft mirë ndeshjen duke dominuar kundërshtarin dhe duke mos lënë hapësira në mbrojtje për tu kapur në befasi. Pasi disa sulmeve të një pas njëshme është Romelu Lukaku që ka gjetur rrugën e golit. Një gol i veçantë për belgun pasi është munduar ta shtyjë topin në rrjetë me ç’të mundet dhe ia del ta bëjë me bark.
Vetëm tre minuta më pas është Chris Smalling ai që dërgon topin në rrjetë në mënyrë fantastike pas një pasimi në zonë nga Fellaini. Smallin e stopon tompin në mënyrë perfekte me gjoks dhe më pas godet në gjysmë roveshatë duke e dërguar në rrjetë.
Reagimi i vendasve ka ardhur në minutën e 65-të, teksa Gray ka ngushtuar diferencat në 2-1. Në minutat e fundit të ndeshjes, United ka mbetur me 10 lojtarë pas kartonit të dytë të verdhë të marrë nga Matic, por, pavarësisht nga kjo, “Djajtë e Kuq” kanë arritur ta mbrojnë avantazhin deri në minutat e fundit dhe të bëjnë një hap më shumë drejt vendeve të para në renditje, duke u ngjitur nga vendi i dhjetë në të tetin dhe duke shkuar në kuotën e 9 pikëve, gjashtë larg kreut të renditjes që mbahet nga Chelsea dhe 3 larg Watford-it të vendit të katërt.
