Manchester City nuk njeh rivalë në Premier League. Ishte radha e kampionëve në fuqi, Chelsea, që të turpëroheshin, “qytetarët” i bënë djemtë e Contes të dukeshin në fushë si ekip i kategorisë së dytë, pasi nuk i lan të godisnin asnjëherë drejt portës.
Manchester City ka dominuar për 90 minuta në ndeshjen ndaj Chelsea-t në Etihad, dhe goli i Bernardo Silva-s vendosi gjithçka. Ishte një sfidë e turpshme për vizitorët, të cilët thuajse nuk kanë bërë asnjë goditje drejt portës së Ederson, i cili ishte më tepër një vëzhgues këtë ndeshje sesa një portier.
City i filloi në sulm, duke kontrolluar topin në çdo moment dhe Chelsea mbrohej me 10 lojtarë, ku i vetmi i avancuar ishte Hazard. Pjesa e parë u mbyll me porta të paprekura, por në të dytën mjaftuan vetëm 35’ sekonda që të zhbllokohej rezultati.
Aguero pason për David Silvani cili jep një top të bukur nga fundorja dhe gjen Bernardo Silva-n që e ka shumë të thjeshtë ta shtyjë topin në rrjetë.
Chelsea nuk reagoi aspak pas golit të pësuar dhe i vetmi ekip në fushë ishte City. Blutë bënë disa zëvendësime në sulm por asgjë nuk ndryshoi. Qytetarët kanë treguar se janë kampionët e ardhshëm të Premier League.
