Gjykata e Arbitrazhit Sportiv (CAS) ka marrë një vendim lidhur me përjashtimin dy-vjeçar dhe gjobën që Manchester City kishte marrë nga UEFA.
Bëhet me dije se klubi anglez është falur nga akuzat për parregullsi në FFP (Fair-play financiar). Klubi do të mund të garojë rregullisht në ‘Champions League’ sezonin e ardhshëm, kompeticion në të cilin kualifikohet si nënkampion i ‘Premier League’.
Sa i përket gjobës, ajo nuk është hequr totalisht, por është ulur nga 30, në 10 milionë euro.
Ky lajm sjell mjaft trishtim te klubet e tjera angleze Chelsea, Leicester City, Manchester United dhe Wolves. Këta klube po garojnë për t’u kualifikuar në ‘Champions League’ dhe tani duhet të luftojnë vetëm për vendet e treta dhe të katërta.
