Ministrja e Shëndetësisë dhe Mbrojtjes Sociale, Ogerta Manastirliu ka folur në lidhje me testet e realizuara te pacientët e dyshuar me koronavirus.
Në një lidhje të drejtpërdrejtë për emisionin “5 Pyetjet”, Manastirliu sqaroi hapat se si vendoset nëse pacienti duhet të bëjë testin e koronavirusit apo jo.
Ajo theksoi edhe një herë se qytetarët nuk duhet të paraqiten në spital por duhet të telefonojnë 127.
“Ka një algoritëm të përcaktuar kur mjeku apo operatori infermier referon për marrjen, është një pyetësor që kryhet online, merren të gjitha të dhënat që telefon. Plotësohet një skedë në urgjencë, jepen këshillat dhe kur personi në bazë të këtij protokolli evidentohet se ka simptoma dhe duhet testi, atëherë që i ofrohet shërbimi. Protokolli është certifikuar nga OBSH, nuk është i shpikur nga je, por jep garancitë. Në raport me telefonatat, qytetarët të marrin 127, dhe jo të shkojnë në spitale, pasi është aty filtri i parë dhe pas evidentimit të problemit, atëherë shkojnë në shtëpi dhe marrin testin, apo ofrojnë referimet në spital”, tha ajo.
