Ministrja e Shëndetësisë dhe Mbrojtjes Sociale, Ogerta Manastirliu ka publikuar shifrat ditore të të vaksinuarve kundër koronavirusit në vend.
Gjatë 24 orëve të fundit janë kryer 13.467 vaksinime, ndërsa në total janë bërë 585.693 vaksina.
“Më shumë se 585 mijë vaksinime janë kryer deri tani, nga sheshi Skënderbej, deri në qendrat shëndetësore në skajet më të largëta të vendit, në një proces vaksinimi shembullor, falë ekipeve tona mjekësore”, shkruan Manastirliu në rrjetin social, Twitter.
Më shumë se 585 mijë vaksinime janë kryer deri tani, nga sheshi Skënderbej, deri në qendrat shëndetësore në skajet më të largëta të vendit, në një proces vaksinimi shembullor, falë ekipeve tona mjekësore ?? #ShqipëriaBuzëqesh☀️ pic.twitter.com/Z6MEkGYJ3f
— Ogerta Manastirliu (@GManastirliu) May 7, 2021
Ditën e sotme, Ministria e Shëndetësisë dhe Mbrojtjes Sociale informoi se në 24 orët e fundit janë testuar pozitivë 67 raste të reja si dhe kanë humbur jetën 2 qytetarë.
