Ministrja e Shëndetësisë dhe Mbrojtjes Sociale, Ogerta Manastirliu ka ripërsëritur edhe një herë rregullat për kufizimin e përhapjes së koronavirusit.
Përmes një videomesazhi të shpërndarë në Facebook, Manastirliu i bën apel qytetarëve qëndrojnë në shtëpi sa më shumë që ata munden dhe nëse kanë mundësi të punojnë nga shtëpia.
“Çdo qytetar mund të kontribuojë në kufizimin e përhapjes së koronavirusit, duke mos e ulur përqendrimin. Qëndroni sa më shumë në shtëpi. Nëse keni mundësi punoni nga shtëpia. Kufizoni kontaktet me personat e tjerë. Kur dilni ruani distancën prej të paktën 1,5 metrash. Lani rregullisht duart. Nëse keni shenja të sëmundjes, qëndroni të izoluar dhe telefononi 127”, thuhet në videon e publikuar.
“Me vijimin e lehtësimit të masave shtrënguese, këto rregulla janë shumë të rëndësishme për të kufizuar përhapjen e #COVID19, për të ruajtur veten dhe të tjerët”, thekson Manastirliu.
