Ministrja e Shëndetësisë dhe Mbrojtjes Sociale, Ogerta Manastirliu, ka vizituar banorët e prekur nga tërmeti në zonën e Shëngjinit.
Nga atje ajo deklaroi se do të ofrohet kujdes shëndetësor 24 orë për banorët në pikat e emergjencës. Manastirliu shton se nuk ka munguar as ofrimi i kujdesit psiko-social për fëmijët dhe të gjithë banorët që kanë pasur nevojë.
“Jemi përqendruar në ofrimin e ndihmës mjekësore pranë hoteleve dhe pikave të emergjencës ku janë vendosur banorët dhe po garantojmë shërbim 24/7 dhe kemi siguruar barnat për të sëmurët kronikë. Kemi siguruar medikamentet për 95 të sëmurët kronikë, ndërsa po trajtohen me terapitë e duhura pacientët me probleme ankthi si pasojë e tërmetit.”, tha Manastirlliu.
