Një nga interpelancat e parashikuara për sot në Kuvend është ajo e ministres së Drejtësisë, Etilda Gjonaj. Gjatë fjalës së tij, deputeti opozitar Lefter Maliqi ka shpërthyer në akuza ndaj Drejtorit të Përgjitshhëm të Burgjeve, Agim Ismaili.
Sipas tij, Ismaili i ka kthyer burgjet në prona private. Për më tepër, ai ka ngritur dyshime për të shkuarën e tij, ku ndër të tjera, e ka quajtur spiun të SHIK-ut.
“E keni parë dosjen e këtij Drejtori të Përgjithshëm përpara se ta emëronit? Ka ky të shkuar të errët apo s’ka? Pse i ka shkarkuar gjithë drejtorët e Lleshit? Keni të dhëna për këtë Drejtor të Përgjithshëm? Ka qenë ky i liruar si agjent i SHIK-ut në Vlorë në ‘97? Ka qenë i shkarkuar për abuzime me detyrën si drejtues i Elektrikut”, u shpreh deputeti Lefter Maliqi në Parlament.
