Pasditen e sotme në kryeqytet është aksidentuar një 12-vjeçar, teksa ecte me biçikletën e tij. Aksidenti ka ndodhur tek rruga “Ibrahim Rugova”.
Djali është përplasur nga një automjet tip “Toyota” me targa AA 854 TB. Menjëherë pas aksidentit djali është transportuar me autoambulancë drejt spitalit, ndërsa thuhet se fatmirësisht ka marrë dëmtime të lehta.
Ndërkohë, drejtuesi i mjetit dhe policia ndodhen në vendngjarje, ndërsa po kryen të gjitha veprimet hetimore.
