Moti i keq me reshje të dendra shiu ka përfshirë edhe kontinentin aziatik, ku vendi më i prekur është Kina. Rrugët dhe stacionet e metrove janë zhytur në të gjithë provincën Henan duke detyruar qytetin të mbyllet.
Deri më tani, në këtë qytet janë raportuar për 3 viktima. Lumenjtë kanë dalë nga shtrati duke vështirësuar apo ndaluar transportin dhe duke rrezikuar jetën e milion njerëzve, shkruan The Guardian.
Më shumë se 10,000 banorë të provincës qendrore janë zhvendosur në strehimore, njoftoi Agjencia Zyrtare e Lajmeve Xinhua. Reshjet e dendura të shiut filluan në 17 korrik. Të martën, autoritetet e meterologjike lëshuan nivelin më të lartë paralajmërues për provincën, pasi parashikohej përkeqësim i situatës.
Përmbytjet janë një fenomen i zakonshëm në Kinë, por ndikimi i tyre është përkeqësuar gjatë dekadave, pjesërisht për shkak të urbanizimit të shpejtë të vendit dhe ngrohjes globale.
Breaking: Radio Free Asia reports that almost the entire city of Zhengzhou, which has a population of over 10 million, is flooded due to heavy rain. Videos on social media are showing dead bodies floating in floodwaters. pic.twitter.com/eIaEU0QNUz
— PM Breaking News (@PMBreakingNews) July 20, 2021
