Dalin të tjera detaje në lidhje me makinën e djegur në Elbasan, ku brenda saj u gjetën armë.
Në makinën e djegur është gjetur një snajper dhe dyshohet se ajo është përdorur nga atentatorët që plagosën Ardian Çapajn.
Policia nuk i ka lidhur akoma zyrtarisht dy ngjarjet me njëra tjetrën , por koha në të cilën kanë ndodhur ngjarjet sjell dyshime se ato në fakt kanë lidhje me njëra tjetrën.
Sipas policisë, makina e djegur është gjetur rreth orës 09:43, dhe gjatë punës për shuarjen e zjarrit është plagosur në këmbë, jashtë rrezikut për jetën, punonjësi i zjarrfikëses shtetasi D. M, 38 vjeç.
“Dyshohet së plagosja është shkaktuar si pasojë e plasjes së plumbave që mund të kenë qenë në bagazhin e automjetit”, thotë policia.
