Publicisti Mero Baze, në një editorial në gazetën ‘Tema’ ka sjellë në fokus emrin e Pandeli Majkos. Duke mos u ndjerë komod me çfarë ka shkruar pena e Bazes, ai argumenton qëndrimin e tij mbi çfarë situate po jetojmë, dhe paradokset e krijuara.
Që në krye të herës, Majko jep sinjalet se nëse do të ishte në postin e Ramës, do të ishte nder për të. Ky mesazh i qartë pason pas shkrimit të Mero Bazes se “Lulëzim Basha do zgjedhje…me një kryeministër që e pranon ai, në këtë rast Pandeli Majkon…” (!).
Në komentin e tij, ndarë me ndjekësit në Facebook, ai është kujdesur të nënvizojë faktin se e konsideron nder titullin “kryeministër i socialistëve”, të cilin nuk ka ndërmend ta shkëmbej në pazarin e maskave të politikës.
