Teksa na ndajnë rreth 1 muaj nga zgjedhjet parlamentare të 25 prillit, partitë politike bëhen gati për të zhvilluar zyrtarisht fushatën elektorale.
Për Miistrin e Shtetit për Diasporën, Pandeli Majko, fitorja e opozitës më 25 prill do të ishte një aksident për vendin.
I ftuar në emisonin Frontline, Majko u shpreh optimist se PS-ja do të sigurojë mandatin e tretë.
Pandeli Majko: “Është betejë e vështirë, pasi është për herë të parë brenda 30 vitesh që kërkojmë mandatin e 3 dhe jemi shumë pranë fitores. Bashkë me Veliajn, në Tiranë, po bëjmë gjënë e duhur. Për mua është e rëndësishme që ne të jemi mbi numrin 70. Jo se jam kundër 88. Brenda logjikës së zgjedhjeve, njeriu duhet të jetë i përgatitur. Nëse do më pyesnit mua, fitorja e opozitës do të ishte aksident. E vetmja shpresë që shihet në kampin opozitar është bashkëpunimi i PD-LSI. Është e vetmja shpresë, nuk thash se do të ndodhi. Po të shohim situatën elektorale të 2005, ne ishim në situatë tjetër. Kishte të majtë që votuan partinë e re të së majtës, LSI-në. Dhe në atë kohë nuk diskutonte ndonjë koalicion me PD, madje e konsideronte veten më të majtë se sa ne. Ndaj edhe flamuri i tyre është më i kuq se sa joni.”
