Mafia shqiptare po tmerron Anglinë. Ajo është shndërruar në një problem serioz për sigurinë e qytetarëve në rrugët e Londrës. Banda të caktuara që tregtojnë armë dhe drogë të klasit të parë po shkaktojnë përplasje të dhunshme në rrugët e kryeqytetit anglez, shkruan Tirana Today. 
Gazeta britanike “The Evening Standard” i ka kushtuar një artikull të veçantë bandave dhe mafies shqiptare. Media angleze e cilëson si një problem që po vjen gjithnjë e në rritje. Ndërsa saktëson se po sekuestron drogë dhe armë në arrestimet që po kryen çdo javë në rrugët e kryeqytetit britanik.
“Bandat e pamëshirshme të krimit të organizuar po bëhen një shqetësim në rrugët e Londrës. Ato po bëhen gjithnjë e më të dhunshme”, tha një nga zyrtarët më të lartë të zbatimit të ligjit në Mbretërinë e Bashkuar.
Grupet e krimit të organizuar siç është mafia shqiptare po dërgojnë drogë të klasit A në kryeqytetin anglez dhe po nxitin përplasje të dhunshme në rrugët e Londrës.
Ky paralajmërim erdhi sot nga John Coles, kreu i operacioneve të posaçme në Agjencinë Kombëtare të Krimit, ekuivalenti britanik i FBI-së, i cili synon të luftojë krimin e organizuar të nivelit të lartë.
Forcat e posaçme të zyrtarëve të NCA dhe detektivët iu kapën disa prej këtyre bandave në 6 muajt e fundit rreth 450 kg drogë të klasës A. Vitin e kaluar 80 forca policore sekuestruan rreth 90 armë zjarri të destinuara për në Londër.
“Këto janë banda, aktivitetet e tyre të drogës janë duke nxitur rritjen e krimeve të dhunshme në Londër”. Të premten e kaluar, organizata e quajtur “Partneriteti i Krimit të Organizuar akuzoi një spanjolle pas konfiskimit të një sasie prej 250 kilogrami kokaine me vlerë 22 milionë paund, në Portën e Londrës.
Kokaina ishte e fshehur në një makinë që shërbente për përpunimin e frutave industriale që po importohej nga Amerika e Jugut. Policia ndoqi objektin deri në dorëzimin e mallit në një pronë industriale në Wood Green para se të arrestohej.
Njësia kundër krimit të organizuar po përballet me mafian shqiptare si dhe kriminelët e ndryshëm. “Ne po përpiqemi t’i godasim ata në çdo lëvizje. Ne po i arrestojmë pothuajse çdo javë. Ne shpresojmë se kjo do të ketë një ndikim në disa nga bandat që nxisin dhunën në Londër”.
PËRSHTATI TIRANA TODAY
