Presidenti francez, Emmanuel Macron, ka paralajmëruar Iranin kundër cdo ndërhyrjeje në Liban.
Sipas Reuters, Macron ka zhvilluar një bisedë të telefonike me presidentin iranian, Hassan Rouhani, ku i ka sqaruar atij domosdoshmërinë për të shmangur çdo ndërhyrje nga jashtë dhe për të mbështetur vendosjen e një qeverie e cila mund të menaxhojë emergjencën.
Irani ka një ndikim të madh në Liban, përmes grupit shiit Hezbollah, i cili ishte i përfaqësuar fuqishëm në qeverinë në largim, dhe ka një aleancë me fraksionin e presidentit libanez, Michel Aoun.
Disa ditë pas shpërthimit të fuqishëm në Bejrut, qeveria e Libanit u detyrua të japë dorëheqjen si pasojë e protestave të shumta që nisën në vend.
