Presidenti francez, Emmanuel Macron ka njoftuar se do të nisë një fushatë ndërkombëtare për mbledhjen e fondeve për rindërtimin e Katedrales Notre Dame.
Macron e konsideroi ngjarjen e djeshme një “tragjedi të tmerrshme”, teksa tha se sipas tij më e keqja ishte shmangur, ndërsa bëri me dije se fasada e katedrales dhe dy kulla kryesore nuk u shembën gjatë zjarrit.
“Po ju them të gjithëve sonte – ne do ta rindërtojmë këtë katedrale së bashku. Kjo ndoshta është pjesë e fatit të popullit francez. Dhe ne do ta bëjmë atë në vitet e ardhshme. Do të fillojmë një skemë kombëtare të donacioneve që do të shtrihet përtej kufijve tanë”, tha Macron.
Zjarrfikësit arritën të shpëtojnë strukturën kryesore të gurit të ndërtesës gotike, të vjetër 850 vjet, përfshirë dy kullat e saj, porse maja dhe çatia iu shembën.
Shkaku i tij nuk është ende i qartë, por zyrtarët thanë se mund të lidhet me punimet e renovimit.
Denonco ne TT