Një situatë e pazakontë është regjistruar në Britani, teksa një 17-vjeçare është arrestuar për inkurajimin e të dashurit që të kryente një vrasje.
Ngjarja në fjalë ka ndodhur në Openshaw, Manchester, ku Sarah Mohamed inkurajoi të dashurin e saj Rhett Carty-Shaw, të vriste ish-partneren. Sipas policisë, 17-vjeçares i janë gjetur mbi 50 mesazhe të dërguara me tekst të dashurit të saj për ta inkurajuar të kryente aktin.
Ajo ia kërkoi të dashurit ta bënte këtë gjë në mënyrë që t’i provonte dashurinë ndaj saj. Mohamed kishte planifikuar vrasjen pasi kishte zbuluar se i dashuri i saj po vazhdonte lidhjen e tij me Imam Nasir, 17-vjeçe.
Sarah Mohamed qëndroi jashtë shtëpisë së viktimës për dy orë, ndërsa priste të dashurin e saj për të vrarë nënën e fëmijës së tij.
“Pse po zgjat kaq shumë? Nxito dhe vepro”, ishte një nga mesazhet që iu gjet në celular asaj.
I dashuri e qëlloi dhe i shkaktoi goditje të shumta ish-partneres së tij, duke e lënë me plagë në fytyrë, qafë dhe sqetull plus tre goditje në shpinë. Fatmirësisht ajo arriti të mbijetojë.
Sarah Mohamed dhe i dashuri i saj u dënuan nga gjykata me nga 16 vite burg për secilin.
