Seanca e sotme në Kuvend ka prodhuar shumë debate, e njëkohësisht ngritje zëri. Kreu i Kuvendit është përplasur edhe me deputetin Kujtim Gjuzi. Ky i fundit është shprehur se mazhoranca po shkel Kushtetutën me aktet normative të Kodit Penal. Kjo deklaratë e Gjuzit është kundërshtuar nga Gramoz Ruçi, i cili e ka paralajmëruar se rrezikon të dalë jashtë seancës.
Debati
Kujtim Gjuzi: Sot është shkelur Kushtetuta. Nuk ka ndodhur në 100 vite Parlament. Në këtë koncept, Rama ka shkelur Kushtetutën me aktet normative. Zoti kryetar, nëse ju doni të vazhdoni ti bëni presion opozitës së përgjegjshme, që ruajti Parlamentin dhe nuk e shkatërroi atë. Zoti kryetar, nuk mundet tv shqiptar që të cilësojë atë apo këtë kryetar. Nuk duhej të mblidhej sot Kuvendi.
Gramoz Ruçi: I dashur deputet, mesa duket… ma kërkon etika dhe njerzillëku, por nuk ke të drejtë të thuash që aktet normative janë në kundërshtim me Kushtetutën. Duhet të punosh që të kuptosh se çfarë kanë kanë bërë vendet e tjera, si Senati Amerikan. Mos fol nga vendi, se mund të të nxjerr nga salla.
