Pavarësisht se ka qenë i tërhequr nga jeta politike, ish-kreu i PD-së, Lulzim Basha e mohon këtë fakt. Ai ka qenë i pranishëm dje në Panairin e Librit në Pallatin e Kongreseve, ndërsa ka deklaruar për gazetaren e emisionit “Ditë e Re” se kjo kohë i ka shërbyer për t’iu dedikuar familjes. I pyetur nëse do të ketë një rikthim në politikë, ai ka zgjedhur që të heshtë.
Lulzim Basha: Jam bashkë me vajzën për të vizituar panairin, dhe për të parë botimet e reja, kryesisht të autorëve shqiptarë.
Ditë e Re: A jeni pak më i qetë tani që jeni tërhequr nga aktivitetet politike?
Lulzim Basha: Asnjë qytetar nuk tërhiqet plotësisht nga politika. Veçanërisht ata që kanë marrë besimin e qytetarë, nuk mund të tërhiqen nga përgjegjësia që kanë para tyre.
Mund t’ju them që kjo kohë më ka shërbyer për të shpenzuar më shumë kohë me familjen. Për të shpenzuar kohë cilësore si ardhja në panairin e librit, ku ftoj të gjithë prindërit dhe fëmijët.
Ditë e Re: Do të kemi një rikthim në politikë?
Lulzim Basha: Jo pyetje politike.
