Kreu i PD-së, Lulzim Basha ka zhvilluar ditën e sotme një diskutim me të rinjtë përmes rrjetit social Instagram.
Basha i ka pyetur të rinjtë për të kuptuar nevojat e tyre konkrete për një arsim sa më të mirë.
“Ky është komunikimi ynë i parë në Instagram dhe do të doja të dija mendimet tuaja për shumë çështje. Por le ta nisim me problemet e rinisë. Nëse do të drejtonit Ministrinë e Arsimit për një ditë, cili do të ishte vendimi i parë që do të merrnit për të përmirësuar jetën e të rinjve në Shqipëri?”, pyet Basha.
Kreu i opozitës e konsideron rritjen e cilësisë së arsimit të lartë dhe parauniversitar prioritet të planit të tij për të qeverisur vendin.
