Kandidati për deputet në listën e përbashkët Lugina e Bashkuar, Argjend Bajrami është shprehur se sondazhet e deritanishme kanë konfirmuar 2 mandate.
Në një intervistë për ABC News, Bajrami tha se në zgjedhjet parlamentare të Serbisë, në Luginën e Preshevës janë konfirmuar mandati i tij dhe i një shqiptari tjetër.
Sipas tij, është hera e parë që lista shqiptare e bashkuar po pret një konfirmim për një kandidat të tretë. Ai theksoi se gjatë procesit të votimit janë shënuar edhe disa incidente.
“Kemi pasur pjesëmarrje masive. Fakti që kemi dalë në një listë të përbashkët ka sjellë reagim nga votuesit. Deri më tani jemi në pritje të kandidatit të tretë. Sheit Kamberi dhe unë kemi dalë fitues nga sondazhet e deritanishme. Mendohet se kandidati i tretë mund të dalë nga Partia Demokratike. Sot ka pasur vetëm disa incidente”, tha ai.
