E martë, 2 Mars, 2021
12 C
Tirana

Luftime të ashpra në Siri/ Reagon Guterres: Të qetësohet situata

Sekretari i përgjithshëm i Kombeve të Bashkuara António Guterres ka bërë thirrje për ndalimin e luftimeve në lindje të Sirisë. “Dua të shpreh shqetësimin tim të thellë për përshkallëzimin e konfliktit në lindje të Sirisë. Është absolutisht e rëndësishme të qetësohet situata”, u tha Guterres gazetarëve në Kopenhagë, raporton “REL”.

Kujtojmë se të mërkurën Turqia ka nisur një operacion ushtarak kundër luftëtarëve kurdë në verilindje të Sirisë, duke bombarduar qytete dhe fshatra nga ajri.
Operacioni filloi pasi presidenti i Shteteve të Bashkuara Donald Trump urdhëroi tërheqjen e trupave amerikane nga zona.

Të enjten, presidenti turk, Recep Tayyip Erdogan, i hodhi poshtë kritikat ndërkombëtare, duke thënë se ofensiva ka për qëllim “të eliminojë terrorin” përgjatë kufijve të Turqisë. Vendimi nxiti shqetësime sidomos për civilët sirianë. “Operacionet ushtarake duhet të respektojnë gjithmonë ligjin ndërkombëtar humanitar. Unë jam i shqetësuar jo vetëm për viktimat, por edhe për shpërnguljet që po ndodhin”, tha Guterres.

Turqia, tashmë e sa muaj, ka kërcënuar se do të nisë operacionin ushtarak në kufirin e saj me Sirinë, duke thënë se dëshiron të krijojë një “zonë të sigurt” atje, ku edhe do të dërgonte miliona refugjatë sirianë, raporton “REL”. Turqia i konsideron milicitë kurde në Siri si pjesë të Partisë së ndaluar të Punëtorëve të Kurdistanit, e cila ka luftuar për autonominë kurde brenda Turqisë për tri dekada me radhë.

Këto milici, megjithatë, e mohojnë çdo lidhje të drejtpërdrejtë organizative me Partinë e Punëtorëve të Kurdistanit. Milicitë kurde kanë qenë aleate të forcave amerikane në luftën kundër grupit militant Shteti Islamik në Siri.

- Reklama -

Më shumë nga kategoria




Të fundit

Kosovë: Numërohen mbi 17 mijë vota nga diaspora, kryeson Vetëvendosja

Votat e diasporës në Kosovë kanë nisur numërimin ditën e sotme. Deri më tani janë numëruar 17,159 vota nga 56, 910 që janë aprovuar. Sipas...

Pse muaji shkurt u mbyll me bilanc të zi? Zv.ministrja Rakacolli zbulon arsyet

Zëvendësministrja e Shëndetësisë, Mira Rakacolli, foli në emisionin “Frontline” për situatën e krijuar nga koronavirusi. Numri dy i shëndetësisë, tregoi edhe arsyet pse sipas saj, muaji...

Meta: Marshimin e nisur më 2 mars 2020 do ta çojmë deri në fund më 25 prill

Presidenti i Republikës, Ilir Meta ka rikujtuar manisfestimin e mbajtur prej tij më 2 mars të vitit 2020, teksa ka publikuar në rrjetet sociale,...

Pse ka tension iracional në politikën aktuale të Serbisë?

Nga: Spartak Ngjela Përse politikanët e lartë të Serbisë po flasin vetëm marrëzira force për çështjen e Kosovës, kur ajo është krijim amerikan dhe është...

COVID 19, Shqipëria mund të shohë për vaksina kineze apo ruse

Në përpjekje për të siguruar një mbrojtje masive të popullatës ndaj koronavirusit, Shqipëria mund të shohë edhe për përdorimin e vaksinave kineze apo ruse....