Sekuestrimi i një sasie rekord kokaine në portin Durrësit, një ditë më parë nga autoritete shqiptare, ka marrë jo vetëm vëmendjen e mediave vendase poq edhe atyre ndërkombëtare.
Në titujt e mediave prestigjoze ndërkombëtare, ajo që bie në sy është fakti se Shqipëria e cilësuar si “Kolumbia” e Evropës, për prodhimin dhe trafikimin e lëndëve narkotike, ka ndaluar një sasi rekord kokaine e cila vinte në një ngarkesë bananesh nga Kolumbia. Kështu, “Kolumbia” e Evropës, për herë të parë ka dalë kundër epiteti të saj, dhe është ballafaquar me Kolumbinë e Amerikës së Jugut.
Kështu agjencia e lajmeve Reuters lajmin për kapjen e 613 kg kokainë në Portin e Durrësit, e hap me titullin: Shqipëria kap 613 kilogramë kokainë të Kolumbisë, ndalon dy persona
Nga ana tjetër, prestigjiozja The Washington Post shkruan: Policia shqiptare kap kokainë kolumbiane nga dërgesa e bananeve
Edhe Fox News, lajmin e ka hapur me të njëjtin titull: Policia shqiptare kap kokainë kolumbiane nga dërgesa e bananeve
Ndërsa, B92 shkruan: 613 kilogramë kokainë kolumbiane e konfiskuar në Shqipëri
Janë, këtë disa nga mediat ndërkombëtare që kanë shkruan për kokainën e kapure në Durrës, e cila arrinte vlerën e milionë Euro. Kështu ka deklaruar drejtori i Përgjithshëm i Policisë së Shtetit Ardi Veliu gjatë një konference për mediat.
Në pranga ranë dy persona Donald Lushaj 25 vjeç nga Tropoja dhe banues në Tiranë, si dhe Armando Pezaku 25 vjeç nga Durrësi.
Në kërkim është shpallur Arbër Çekaj, drejtori i kompanisë “Arbri Garden” me qendër në Maminas. Kjo kompani kishte bërë porosinë me banane që kishte ardhur nga Kolumbia së bashku me sasinë rekord të kokainës. TIRANA TODAY
